每款貨品網頁顯示庫存 有貨即可下單

知道大家好想知道有無現貨, 所以我地網站特有: 每款貨品都顯示庫存數量, 無貨就顯示"無現貨"; 購物車亦會有3粒星, 解釋無貨.

 

方便快捷, 毋須苦等人覆. 有貨, 就可以直接落單了.

 

另外, 我地比較少用FB, 所以FB 無貨上架. 如有查詢, 可以INBOX 或者 email: ask@hkg1.com.hk, email 會經常收到呵

HKGrocery 香港仁雜貨舖 8周年了

2011年3月3日我地晌YAHOO 拍賣開始經營, 岩岩 8 周年

 

呢幾年社會變化好大, 網上平台元祖YAHOO 拍賣, EBAY, 後來又有FB, IG 私人賣野, 舊平台Yahoo式微, 新平台如Carousell, HKTVmall, Fingershopping, 監管情況就唔知 (有時間可以睇客人留言), 但上架費一定只會越來越高.

 

實體店價真棧, 優品360加入戰場以外, 上水屯門元朗開左唔少水貨舖, 連藥房都賣埋水貨. 部份包裝勁似知名牌子, 而外國牌子售價又會平過美國英國澳洲當地, 我地外國朋友睇過價錢, 都驚歎係香港特色: Bodyshop 洗髮水只售$34@

 

部份外國保健品仲被大陸貨金收購, 或者部份標榜美國, 瑞士既貨品, 搵個名人做代言, 其實香港註冊公司.

 

香港零售劇變, 個個都想盡快賺大錢, 唔理手法岩唔岩, 假好評圖, 買IG followers, 都唔使多講.

 

做臭個名, 就轉第2個名, 有同行都轉左3次名.

 

無論社會如何, 我地都堅持有品有格, 8年商譽, 自惜羽毛, 正貨, 正途, 唔花錢賣家, 唔亂吹, 無假圖, 唔吹濕疹救星, 無7日見效, 無買followers, 無負評.

 

捱不了, 就唔做. 唔呃人, 唔轉名.

#周年 #周年紀念 #HKG1 #hkgrocery #心聲 #網店 #網上商店 #onlineshopping